«البلد ماشية مش بيا بيه هو».. الرئيس السيسي : أهل الشر في حرب مع الشعب المصري
الخميس 02/مارس/2023 - 09:25 م
الرئيس السيسي يتحدث عن أدوات أهل الشر
محمود حربي
طباعة
قال الرئيس عبد الفتاح السيسي ، اليوم الخميس، إن أهل الشر في حرب مستمرة مع الشعب المصري وأدواتهم الكذب والغش والإشاعات، وأن مصر الوطن الأعظم الذي ننتمي إليه وينتمي إلينا هو منتهى الأمل وغاية الحلم، وأبناءه الذين واجهوا التحديات منذ أن كتب التاريخ على أرضه، هم وحدهم القادرون على صون مقدراته، وصناعة حلمه، وذلك خلال الزيارة التي أجراها لمحافظة المنيا لافتتاح العديد من المشروعات التنموية داخل قرية المعصرة.
وأضاف السيسي: «وعاوز أقول لكم على حاجة الكلام مش للناس اللي في القاعة بس، الكلام اللي احنا بنقوله دا لكل الناس الموجودة في مصر، وبتسمعنا، أنا مش قلقان خالص، واحنا بالإجراءات اللي بنعملها، مش هو دا المطلوب بس، احنا بنحاول نخفف الآثار الصعبة، للأزمة على الناس كلها، وديما بنتحرك، وبنفكر وربنا بيهدينا لإجراءات ممكن نعملها، تسهل الأمور، الأزمة اللي بتمر بالعالم أزمة كبيرة الحقيقة وأهل الشر متربصين بمصر».
الرئيس السيسي : أدوات أهل الشر الغش والكذب والإشاعات
وتابع الرئيس السيسي: «وأنا مش ببالغ في دا، وأكيد انتوا متابعين اللي بيحصل في الدنيا كلها، واحنا بنحاول بقدر الإمكان، وأنا قولت الكلام دا قبل كدة مرة واتنين، إن احنا اللي بيحصل والآثار بتاعته، بنحاول بجهد وبعمل إن احنا دا مينعكسش على حياة الناس أكتر من اللازم، يعني بعد كل الضغوط اللي احنا فيها دي، وأنتم بتقولوا إن أنتم بتحاولوا متخلوش الآثار، تبقى قوية علينا، صدقوني اه من حقي».
واستطرد الرئيس: «أنا مش خايف أولاً لسببين، والكلام دا أنا قولته مرة وهقوله مرة واتنين وتلاتة، أول حاجة ربنا موجود، عاوز أقول لكم على حاجة، أنا لسه كنت بقول للسيد المستشار أبو الشهيد، ووالدته، اللي هو بيقول إن في 2013، في أعقاب الأحداث وقتها، ومحاولة تخريب الدولة وتدميرها كلها، هو مش فيه دول تانية يعني من غير ما نقول أي حاجة ما زالت متضررة من اللي حصل، وما زالت تعاني من اللي حصل، ومعرفتش تتجاوز دا».
السيسي : «البلد ماشية مش بيا أنا بيه هو»
واستكمل السيسي: «طيب اللي عمل كدة في مصر مين، اوعى حد يقول أنا، لا، دا هو ربنا، وأنا كنت شايف كويس أوي ايه اللي كان ممكن يحصل، وشايف الخطر وشايف الترتيبات، بفضل الله سبحانه وتعالى، علشان كدة لما بقول الكلمة دية، كتير من الناس بيقول طيب ما انتوا عملتوا طيب ما كلوا بيعمل، والكل بيحاول يحمي بلده».
الكلمات المفتاحية
موضوعات متعلقة
أخبار تهمك
