وجهت الفنانة منة فضالي، رسالة عتاب إلى منتقديها، وطالبتهم بالكشف عن أسباب هجومهم غير المبرر عليها، وإهانتها بشكل مستمر.

وكتبت منة، عبر صفحتها الرسمية على موقع فيس بوك: “مساء الخير عليكم.. أنا منة اللي بكتب دلوقتي، وكنت عاوزة أسأل ليه بتهاجموني، ليه بتغلطوا فيا، وبتشتموا ليه، عملتلكم إيه علشان الإهانات دي كلها، أنا مش بجبركم على إنكم تحبوني أو تتقبلوني، لإن دي حرية شخصية، وممكن ببساطة متدخلوش صفحتي مدام مش حابني، بس مفتكرش إن في أي استفادة من الغلط”.

وأضافت النجمة الشابة: “كمان عاوزة أقول حاجة، لو حد منكم واخد موقف مني بسبب صور ليا زمان، فأكيد عندكم حق، بس أنا مش كده، واتكلمت في الموضوع ده كتير أوي، وأكيد لو أنا كده مش هيكون للنشر، لأن بكده بخسر كل حاجة، وصدقوني أنا اتظلمت والله اللي عايز يصدق يصدق، ومش بقول كده علشان حاجة، بالعكس أنا خسرت حاجات كتير أوي، بس صدقوني مش عيب الإنسان يغلط ويتعلم من غلطه، بدليل إني عمري ما عملت فيلم أو مسلسل لابسة فيه لَبْس وحش، أو عملت مشاهد إغراء”.

وأوضحت فضالي: “حاجة أخيرة.. اللي واخد موقف مني وبيشتموني علشان وقوفي جنب أحمد عز، فبقولكم ليه علشان إيه واخدين موقف، أنا حرة زي ما أي حد حر، وأنا دافعت عنه لأني أعرفه كويس، مش أكتر، وبعتبره صديق وأخ زي ما انتم بتحبوا زينة، ومن حقكم تدافعوا عنها، لأن في حاجة اسمها حرية الرأي”.

واختتمت حديثها، قائلة: “أنا عاملة الصفحة دي علشانكم انتم، علشان تعرفوا أخباري، وتتفعلوا معايا وتشجعوني، مش علشان تهاجموني، أنا ممكن أقفل الصفحة لو أنا مضايقاكم، وأوفر عليكم الغلط فيا..أهلًا بيكم وآسفة إني طولت عليكم، وأشكر كل الناس اللي واقفة جنبي وبتشجعني، وأشكر برضه اللي بيغلطوا ومتمناش إن حد في يوم حد يغلط في حد من أهله، أشكركم من كل قلبي”.