عبرت البلوجر سارة محمد عن حزنها، بكلمات مؤثرة وردت على ادعاءات انتقالها لدار أيتام من خلال فيديو، عبر حسابها الشخصي على موقع تبادل الصور والفيديوهات القصيرة انستجرام.

حقيقة انتقال سارة محمد لدار أيتام 

قالت سارة محمد:«ناس كتير بتقول أني في دار أيتام، وأنا في الحقيقة مش في دار الأيتام، وكل الفكرة أني مش قادرة أكون في نفس المكان، اللي تعرضت فيه للظلم والقهر، وكمان أنا مش قادرة أكون في المكان اللي فيه ناس تخلو عني».

أما عن حالتها النفسية قالت:«بقالي فترة نفسيتي مش كويسة، وبقيت بصرخ يوميًا، وأنا كنت بروح لدكتور وبعدي على نفس الطريق لحادثة، كنت بصرخ وبقول الحقوا عاوزين يموتوني، والموضوع تحول إلى ما يشبه الفوبيا».

وأكملت:«فأنا قررت أبعد نهائي عن المكان ده، وأبعد عن كل الناس التي تسببت في أذيتي، وكل الناس اللي وصلوني لمرحة وحشة، وأنا غيرت المكان بسبب أنه عملّي مشكلة نفسية، وأنا هنا مبسوطة عند عمي وطنط وبخرج مع أصحابي وبعمل كل حاجة».