"بيشتغل فين وعنده ايه؟"، "جميلة وبنت ناس وشاطرة"، تمام "زيتنا في دقيقنا"، أشهر العبارات المصرية في الحكايات الزوجية، والتي غالبا لا يكون مقياسها الا ما يملكه الرجل من إمكانيات، وما تتحلي به البنت من جمال ونسب، ورغم انها من الامور الهامة الا انها ليست المقياس الوحيد لبناء حياة زوجية ناجحة سوية.
هناك أشياء أهم بكثير تتمثل في أصل الطباع والشخصية وطريقة التفكير وأشياء أخري، وتقدم لكم "بوابة المواطن" حكايات عن أفشل قصص الزيجات التقليدية وفقا لما ورد ببعض مواقع التواصل الاجتماعي وآراء المتزوجين:
"جت بعد قصة حب فاشلة":
من أفشل العلاقات الزوجية علي الإطلاق، عندما تمر بعلاقة عاطفية كبيرة ثم تفشل تلك العلاقة وتنتهي، لتجد نفسك باحثا سريعا عن أول علاقة تظن منها انها سوف تنسيك ما فات، وبالفعل كانت من أفشل العلاقات التي عبر أحد الأزواج عنها "جت بعد قصة حب فاشلة، وكملت بيها بقيت الفشل في حياتي للأسف، مافيش بينا أي حاجة مشتركة، ولا قادرين حتي نفهم بعض".

"عشان عديت سن الـ 30"
كلمة في مقتل، عن قصة زواج فاشلة لأمراة تزوجت فقط لأنها اجتازت سن الـ30، وعبرت عن حكايتها "كل المشكلة اني عديت سن الـ 30 بسنتين، ودي كانت مشكلة أهلي القصوي، وأمام أول واحد جالي وما اعترضتوش ووافقوا عالطول، وطبعا بعد الجواز اكتشفت حاجات كتير عنه مش كويسة خالص، غير انه في عالم وأنا في عالم تاني خالص".

"عشان بنت ناس معروفة وكويسة":
احد العلاقات الفاشلة التي بدأت من الشك حينما أراد الأهل البحث عن فتاة بنت ناس معروفة وكويسة، وهي مشكلة أحد الأزواج الذي قال"فعلا بنت ناس وكويسة جدا، لكن مش شبهي اطلاقا، بحس كتير انها غريبة عن دماغي وطريقة تفكيري، ومش شايفة شكل حياتي ولا بتساعد في طموحي، حاجات كتير بحسها ناقصة، بس ماحدش فهمها وعايش عشان بينا أولاد".
"عشان ظروفه مناسبة ماديا":
علاقة فاشلة تم تأسيسها علي أساس الظروف المادية المناسبة فقط، والتي جعلت من الحياة راحة ماديا بالفعل ولكن فاشلة اجتماعيا والتي صرحت بها أحدي الزوجات "عشان ظروفه المادية كانت كويسة جدا، ووضعه كمان الاجتماعي، قلت اكيد هعيش في مستوي كويس وبالطبع بعده الراحة، وفعلا عشت في مستوي مادي كويس جدا، لكن بعد فترة قرر يتجوز تاني، واتجوز فعلا، وطلع السبب اللي اخترته عشانه هو السبب المنطقي لفشل علاقتنا اللي بقت شبه حياة".

في النهاية، حلوة الأفراح، لكن في عروسة وعريس حلويين، وفي عروسة وعريس علي بعض لايقين، حلوة تبقي جميلة صورة الزفاف، لكن الأحلي تكون جميلة ومكتملة صورة الحياة .